.-~'¨¯¨'•~-.تشيز كيك من بنت الأصول .. حياااكم .-~'¨¯¨'•~-.¸

التسجيل : 01/05/2011

السلام عليكم ورحمه الله وبركاته

شخباركم يا أعضاء المنتدى......... عساكم بخير وعافيه

اليوم يبت لكم تشيز كيك من صنع يدي واتمنى تقولون لي رايكم بكل صراحه

يلااا نشوف الصوره

^
^

^

^

^
^

هااااا شرايكم عجبتكم

يلااا نبتدي بالمقادير والطريقه

الطبقه الأولى ( طبقه البسكويت )

- 18 قطعه بسكويت دايجستف

- 2 ونص ملعقه زبده

*** نطحن البسكويت ونضيف عليه الزبده الى ان يتماسك ولا تحطون زبده وايد لان أثناء التقديم البسكويت راح يكون يابس

*** بعد ما حطينا البسكويت مع الزبده نرصها في قالب التشيز كيك وندخلها الفرن لمده 5 دقايق عشان تتماسك .

الطبقه الثانيه ( الكريمه)

- ظرف واحد دريم ويب

- قيمر KDD الحجم الكبير

- 5 جبن كيري

- فنجان حليب سائل

- جيلي ليمون أصفر ( نأخذ الجيلي ونخلطه مع نص كوب ماء ساخن ونص كوب ماء بارد)

- السكر ( على حسب الرغبه أنا ما حطيت لان الجيلي فيه سكر فما يحتاج)

*** نأخذ الدريم ويب + الحليب السائل + الجبن كيري نخلطهم بالخلاط ونضيف عليهم القيمر وبعدين الجيلي

ملاحظه: بتلاحظون أن الكريمه صارت سائله يعني مو متماسكه خلوها مثل ما ااهيه لان بعد ماندخلها بالثلاجه راح تتماسك بشكل مضبوووط

لاتنسون البسكويت بالفرن نطلعه من الفرن ونحط فوقه الكريمه وندخله الثلاجه لمده 4 ساعات او أكثر

الطبقه الثالثه

**أنا استخدمت SOUCE الجاهز على كرز وضفت عليه شويه ماء ساخن

** ممكن تستخدمون الجيلي الاحمر

** ممكن تستخدمون مربى الفراوله مع إضافه قليل من الماء الساخن

قبل التقديم بفتره نطلع البسكويت مع الكريمه من الثلاجه ونحط فوقهم الكرز ونرجعها بالثلاجه لفتره بسيطه ونقدمها

[b]وبالعافيه

[/b]

.-~*'¨¯¨'*•~-.تشيز كيك من بنت الأصول .. حياااكم .-~*'¨¯¨'*•~-.¸

.-~*'¨¯¨'*•~-.تشيز كيك من بنت الأصول .. حياااكم .-~*'¨¯¨'*•~-.¸

.-~'¨¯¨'•~-.تشيز كيك من بنت الأصول .. حياااكم .-~'¨¯¨'•~-.¸

.-~'¨¯¨'•~-.تشيز كيك من بنت الأصول .. حياااكم .-~'¨¯¨'•~-.¸