الرز بالدجاج بقدر الحجر ياهوووو لذيذ حياكم بالصور ...

التسجيل : 01/05/2011

مساء الخيرات على عيونكم

جبت لكم طبخه جنان طعم وريحه وللي يحب التغير

هذي سلمكم الله للي عندها قدر حجر

عاد واللي ماعندها تتصرف وتسويه بقدر عادي أو فخار أو تيفال كله يستوي

(كل الطرق تؤدي الى روما )على قولتهم

مثل ماعودتكم الشرح راح يكون بالصور والتفصيل الممل

نجيب قدر الحجر ونقطع فيه بصل وفليفله بارده مربعات صغيرة

ونرفعه على النار

نضيف الزيت على البصل والفلفل

نضع مكعبات صدور الدجاج يمكن يكون بالروبيان أو سمك الفيليه وحتى باللحم يكون مسلوق من قبل

نقلب المكونات مع بعض

حتى تتجانس المكونات ويصير لون الدجاج ابيض نوعا ما

نضيف مكعبات الدجاج الماجي والقرفه وقطع الثوم والفلفل الأسود والكمون

نخلط زين مازين لين تطلع ريحته

نضيف الرز المغسول والمنقوع على خليط الدجاج

ونقلب زين مازين

نصب الماء الحار وقليل من الملح ونضع راس الثوم في وسط القدر

نغطي القدر بورق الألمنيوم وندخله الفرن ونتركه حوالي نص ساعه

نفتح الألمنيوم وشمي أمممممممممممممم

يهووووووووووس صح ؟؟؟؟؟؟؟؟؟؟

وهذي مع السلطه

وهذي الثوم شوفوا اشلون صار تبارك الله مثل الزبده ريحه وطعم خيال

كل لقمه بثومه يجنن

ومداخيل الصحه والعافيه حبايبي

» سلطة عيدان البطاطس + توست بالدجاج
» الحجر والحفرة
» طبق سمك على الطريقه المغربيه بالصور
» رغائف محشوة بالدجاج
» سلطة عيدان البطاطس + توست بالدجاج

الرز بالدجاج بقدر الحجر ياهوووو لذيذ حياكم بالصور ...

الرز بالدجاج بقدر الحجر ياهوووو لذيذ حياكم بالصور ...

مواضيع مماثلة

مواضيع مماثلة