اولا حالتك النفسية مهمة جدا حاولي بقدر الامكان تبعدي دماغل عن أمور ممكن تعكنن عليكي ودا أنك تغسلي عقلك والله مش هزار العقل كمان لازم تغسيلة
وتصفية من مشاغل الدنيا اليومية الي بتقابلنا كلنا ودا أذا اتبعتي رياضة معينة او حتي المشي اليومي أو القعدة مع اصدقاء حلوين يملوا القعدة بهجة يعني تبعدوا
عن الكلام الي يخص الاكل ومشاكل الرجالة والبيت
ثانيا ألاكل حاولي ديما يكون عندك في البيت أكبر كمية من الالوان الخضرا من الخضروات وتستعمليها بشكل يومي في ال 3 وجبات ولو بتشتغلي خدي معاكي ومتضحكيش علي كلامي - خيار- طماطم جامدة - جزر مقشر - وفاكهة من اي نوع
ثالثا الماء - مهم جدا تشربي السوائل سواء مياة أو حاجات دافية وياريت أعشاب طبيعية وأجمل حاجة ممكن انصحك بيها وهي سنة عن الرسول صلي الله علية وسلم
(السنا والسنون) وهي الشمر والينسون وممكن كوب يوميا بعد ماتصحي من نومك ومرة تانية في وسط النهار زي مابتشربي الشاي بأنواعة جربي كمان الشمر
والينسون ومتقوليش دا للاطفال أنتي كمان جسمك محتاج نفس الفؤاد الي في الاعشاب دي ومن أهم فوائد الشمر والينسون هو علاج جميع أنواع الانفلونزا
والتهاب الحلق وبلغم الصدر للمدخنين وراحة المعدة لاصحاب الحرقان الدائم وتهدئة الاعصاب للقلق المصاحب للنوم وراحة القولون للبتعاني من الانتفاخ الدائم
واذا كنتي بتشتكي من تغير دائم في ميعاد الدورة الشهرية واختلال هرموني والتهاب اعصاب ووجع ظهر وانتفاخ في الجسم بسبب حبس الماء الذائد عليكي
وعلي البردقوش ودا عشب موجود عند كل العطارين واجمل واطعم من الشاي والوصفة سهلة تغلي معلقة مع كوب ماء وتحلية بعسل بسكر زي ماتحبي وممكن
من غير سكر وتشربية وبالهنا والشفا علي صحتك يارب مرة يوميا ولما وزنك ينزل شوية ابقي ادعيلي
رابعا في حاجات بسيطة اوي ممكن تجيها وتستعمليها بأنتظام وهيكون ليها تأثير رائع علي بشرتك وهي وصفة جدتي (جلسرين وماء ورد وليمون ) واصحاب
البشرة الحساسة يقللوا في الليمون ) وتخلطي الجميع وتدهني يوميا ايديكي وبشرة الوجهة والرقبة وجميع جسمك اذا حبيتي وأبقي أفتكريني بالدعوة الحلوة
,اخيرا أطلبي ديما بالدعاء الجميل (اللهم حسن في خلقي وخلقي أنك القدير علي كل شيء)
وعلي فكرة عاوزة اقولك حاجة ديما شوفي نفسك جميلة لكي يراكي الاخرون جميلة ولاتقللي من قدر نفسك أبدا وهي ليست دعوة للغرور ماعاذ الله ولكن المثل
يقول كن جميلا تري الوجود جميلا. وشكرا علي حسن الاستماع.
الرئيسية
أحدث الصور
التسجيل
البوابة
دخول
موضوع: نصائح لشباب البشرة,نصائح لبشرة رائعة و شابة 
الخميس مارس 24, 2011 7:03 pm