قصيدة عودتني تبقى معي كل الوقات
عودتني تبقى معي كل الوقات * واعتاد كلي لك ولالي غنى عنك
وفجأة تغير يالغلا كل مافات * وبقيت تايه في دروب ٍ خلت منك
لا اتلومني لي قلت انا لليل مابات * كل شي بدونك صار همن معا ضنك
حاولت اسللي النفس لكنه هيهات * مليت كنه الدم في قلبي ادمنك
خذت المهدي اصناف وانواع دويات * مافادت اجروحي وروحي اتحضنك
لوكان لي ع البعد صبر ٍ وعادات * ماصرت حاير والهواجس ترجنك
يالله عساك ابخير يامنوة الذات * ويعل الغواني بأسرها الكل يفدنك
مالي بديلك لوغدى عمري اشتات * ومهما الظروف اتحول هوب ناسنك